Giklaro sa usa ka kanhi bise mayor sa Valencia City, Bukidnon nga walay igong basihanan ang mga reklamo batok kaniya nga gisang-at sa Office of the Ombudsman ug naglangkob lamang kini sa pulos alegasyon. Gipahayag sa LTO-7 Regional Director Glen “Aboy” Galario, nga kaniadto bise mayor sa Valencia City, nga ang kasong may kalabutan sa RA 3019 o Anti-Graft and Corrupt Practices Act kay walay resibo, affidavit, o dokumento nga nagpakita nga adunay tinuod nga kapasan.
Matud niini, mipasa na siya og tubag sa Ombudsman ug naglaom nga makita ang merito sa iyang depensa. Dugang pa ni Galario nga wala siya kaila sa nagpasaka sa reklamo ug posibleng gigamit lang kini arun matangtang sya sa position
Sa laing bahin gisaysay pa niya nga wala siyay plano moapil sa 2028 elections, kay mas gipili niyang magpadayon sa iyang kasamtangang trabaho kaysa mahimong sentro sa politika.
Kahinumduman nga si Galario gitumbok sa duha ka reklamo sa Ombudsman, lakip ang alegasyong nagpatuman siya og P150,000 nga weekly quota sa mga LTO district offices ug P800 matag transaksiyon nga giingong ginadawat gikan sa liaison officers—nga matud niya, kabahin lang sa usa ka demolition job batok sa iyang persona.