Padayon gihapon ang pag-antos sa mga residente sa syudad sa Malaybalay tungod sa kakulangon sa suplay sa tubig gikan sa PrimeWater Infrastructure Corporation, nga usa ka partner sa joint venture uban sa Malaybalay City Water District o MCWD.
Sa exclusibong pakighinabi sa Vombo Radyo Malayblay kay Engr. Nolito Binahon, General Manager sa MCWD, napakyas ang PrimeWater sa pagtuman sa ilang gisaad nga serbisyo, lakip na ang 24/7 nga suplay sa limpyo ug kalidad nga tubig.
Gipahamtang sa MCWD ang usa ka 60-ka-adlaw nga ultimatum nga nagtapos na niadtong Agosto 26 aron masulbad ang problema.Bisan pa man niini, nagtubag ang PrimeWater nga kasamtangang gi-evaluate pa nila ang mga report ug compliance gikan sa opisina sa MCWD.
Nangayo pa sila og dugang panahon aron matuman ang ilang mga obligasyon sumala sa kasabutan.Gidugang pa ni Binahon nga adunay mga aksyon na gihimo apan kulang pa ang resulta. Human sa evaluation, maghimo ang MCWD og desisyon kung unsay sunod nga lakang aron masiguro ang serbisyo alang sa mga taga Malaybalay.