Gikumpirma sa mga researcher ang pagkadiskobre sa usa ka talagsaong iho (pating) nga may kahel nga kolor ug puti nga mga mata diin nadiskobrehan sa baybayon sa Costa Rica.
Gikaingon nga mao kini ang unang natala nga kaso sa maong matang sa Caribbean.
Ang unom ka iho (pating) nasikop atol sa usa ka sport fishing trip duol sa Tortuguero National Park, sa gilawmon nga 37 metros.
Gituohan nga adunay kini xanthism ang maong mananap, usa ka kondisyon sa panit nga nagresulta sa pagkakolor kahel o bulawan gumikan sa sa kakulang sa red pigment.
Sumala sa Federal University of Rio Grande, kini ang unang natala nga kaso sa xanthism sa mga cartilaginous fish sama sa pating, ray, ug skate.
Aduna usab mga timaan nga nakita sa pating ang mga kinaiya sa albinism.
Posibleng resulta kini sa genetic mutation, pagkaon, o palibot nga kalikupan.
Samtang, gihimakak sa mga eksperto ang panginahanglan sa mas lawom nga pagtuon sa genetics sa mga iho sa maong rehiyon gumikan ang xanthism giisip nga usa ka talagsaon kaayo nga kondisyon ug pipila ra ka mga kaso ang natala sa lain-laing matang sa mga hayop.