Gipadayag sa elite military unit nga Personnel Administration and Technical and Administrative Services Corps (CAPSAT) nga ila nang nakuha ang gahom gikan kang Madagascar President Andry Rajoelina human ang pila ka semanang protesta nga gipangunahan sa mga batan-on sa maong Indian Ocean island.
Sa iyang pagpamulong sa gawas nga bahin sa presidential palace, gipadayag ni CAPSAT chief Col Michael Randrianirina nga magmugna ang militar og gobyerno ug magpahigayon og eleksyon sulod sa duha ka tuig.
Iya na usab nga gisuspende ang mga nag-unang democratic institutions, sama sa electoral commission dayong butyag nga ang mga Gen Z protestors, mamahimong kabahin sa ka-usaban tungod kay namugna man ang kalilhukan diha sa kadalanan, rason nga angayang respetuhon ang ilang mga demands.
Gisa-ulog sa militar ug mga protesters ang pagkalagpot ni President Rajoelina, kondiin libuan ang nagwara-wara og bandila sa capital, Antana-narivo.
Madumdumang ang CAPSAT mao ang pinakadamhanang military unit sa Madagascar nga misuporta kang Rajoelina dihang nabutang siya sa gahom niadtong tuig 2009, apan mi-uban na sa mga demonstrador niadtong Dominggo.