Gikumpirma sa Department of Justice nga giimbestigahan na sa Korte Suprema ang usa ka huwis nga giingong nalambigit sa gitawag nga case fixing sa mga kaso nga giatubang sa negosyanteng si Charlie Atong Ang.
Gipahayag ni Justice Secretary Jesus Crispin Remulla human ipadayag sa testigong si alyas Totoy o Julie Dondon Patidongan ang kabahin sa usa ka kanhi nga judge diin karon opisyal na sa Philippine Charity Sweepstakes Office o PCSO.Matod ni Secretary Remulla, ang mismong Korte Suprema na ang naglusad og imbestigasyon sa maong isyu human human sa laing panagtigum sa mga sakop sa hudikatura.
Nahinumduman nga bag-o lang gi expose ni alyas Totoy ngs kaya sudlon sa mastermind apil na ang korte suprema.Nakig tagbo usab si Secretary Remulla ngadto kang Supreme Court Chief Justice Alexander Gesmundo mahitungod sa maong isyu.
Gipasalamatan ug gidayeg ni Remulla ang lakang nga gihimo sa Korte Suprema aron masuta ang kamatuoran sa likod sa mga alegasyong gipagawas ni alyas Totoy. Nasayran usab sa testigong si alyas Totoy nga walay kalabutan o kalambigitan ang mga sakop sa National Bureau of Investigation (NBI) sa pagkawala sa mga sabungero.
Gumikan niini,nagipasalamat si NBI Director Retired Judge Jaime B. Santiago kang alyas Totoy sa pagsulti sa tinuod aron mapabilin ang pagsalig sa publiko sa ilang ahensya.