Japeth Aguilar, miretiro na sa pagdula sa Gilas Pilipinas

Gihatagan og pasidungog sa Gilas Pilipinas si Japeth Aguilar human kini nakadesisyon nga moretiro sa pagdula sa national basketball team.

Ang 38-anyos nga si Aguilar mao na lamang ang nahabilin nga magdudula sa orihinal nga Smart Gilas Pilipinas.

Human sa  kadaugan batok sa Guam alang sa first window sa FIBA ​​​​World Cup Asian Qualifiers, gipresentar sa mga opisyal sa Samahang Basketbol ng Pilipinas kang Aguilar ang framed uniform niini.

Gikonsidera usab nga ang dula ni Aguilar sa Ateneo Gym usa ka homecoming tungod duha ka season kining nakadula sa maong court.

Kahinumduman nga si Aguilar nahimong magdudula sa Gilas Pilipinas sukad pa niadtong 2009.