Naghatag og dakong kabalaka sa gobyerno ug mangbabalaod ang isyu sa online gambling sa nasud.
Matud ni Ray Talimio Jr. kanhi Co-Chairman sa Economic Development Committee sa Regional Development Council Region 10, dako ang hisgutan kabot sa isyu sa pagtangtang o pagpa-regulate sa online gambling.
Giduso ni Talimi, nga kinahanglan adunaya maayo nga enforcement ug kinahanglan nga hingpit kining istudyohan mahitungod aduna usab daghang mga negosyo ang naapektohan niini, sama sa mga real estate industry ug uban pa.
Gibutyag ni Talimio, nga supak kini sa online gambling mahitungod dali ang access niini ug ang dako ang epekto sa usa ka katao hilabi na sa mga pamilya nga maapektohan gumikan mahurot na ang mga kwarta o sweldo sa pagpusta sa maong mga dula.
Giklaro usab ni Talimio, nga dili buot pasabot nga giduso niini ang banning diin gusto lamang niini adunay striktong regulations.
Samtang midayag usab si Most Rev. Noel P. Pedregosa, D.D., Roman Catholic Diocese Of Malaybalay, nga dili kini uyon sa pagregulate sa online gambling gumikan kini usa ka “immoral” nga aktibidad.