Nakurat ang mga bisita sa 27th Asian Pet Show nga gipahigayon sa Shanghai, human ipakita ang usa ka Mexican dog nga adunay patik o tattoo nga nagtabon sa tibuok likod niini.
Dali kining mikatap sa Chinese social media ang mga hulagway sa maong iro nga kuha gikan sa kalihokan nga gihimo sa Shanghai New International Expo Center, diin ang mga iro usa sa mga nag-unang atraksyon sa maong pet show.
Gipakita sa tag-iya ang artwork sa likod sa iro ug mikompirma nga tinuod ang tattoo.
Dugang pa niini, nga wala kini gamiti og anesthesia, gumikan taas matud pa ang pain tolerance sa mananap.
Tungod niini, daghang animal lovers ang nasuko ug nanawagan og apology gikan sa tag-iya, samtang ang uban nangayo usab og klarong pahayag gikan sa mga tig-organisa sa kalihokan.