Gikondena ni Iranian Supreme Leader Ayatollah Ali Khamenei ang pamaagi sa pag-apod-apod sa ayuda sa Gaza, nga gitawag niyang usa ka “cheap form of genocide.”
Matod niya, gigamit sa Israel ang kagutom ug panamastamas isip taktika aron pugson ang mga Palestino nga mosurender.Gipasanginlan usab ni Khamenei ang mga kanluranong nasud, ilabi na ang Amerika, nga misuporta sa nasangpit nga polisiya pinaagi sa paggamit og “military precision” nga teknolohiya sa pagpugong sa ayuda ug pagpugos sa Gaza.Base sa datos sa United Nations Office for Human Rights, 798 ka tawo ang napatay duol sa mga aid distribution points sa sulod sa unom ka semana, samtang ang kabuuang ihap sa mga patay sa Gaza misaka na sa 57,000.
Ang mga distribution points sa Gaza gipadagan sa Gaza Humanitarian Foundation (GHF), usa ka organisasyong gisuportahan sa Amerika ug Israel. Imbes mogamit og UN channels, nagsalig kini sa mga private American security ug logistics firms, nga karon gipangutana sa ilang neutralidad ug transparency.Sa laing bahin, misukol si Israeli Prime Minister Benjamin Netanyahu sa panawagan sa ceasefire.
Giingon niya nga dili mohunong ang operasyon militar hangtod dili mag-disarm ang Hamas, human sa ilang brutal nga atake niadtong Oktubre 7 nga mitibawas sa kinabuhi sa 1,219 ka Israeli ug pagdakop sa 251 ka tawo. Sa pagkakaron, 49 pa ang bihag, samtang 27 ang kumpirmadong patay.