Mikunhod matud pa ang ihap sa mga insidente sa sunog karong buwan tandi sa miaging bulan, sumala ni SFO1 Reny Rubillos, OIC sa Operations Branch ug Chief sa Fire Safety Enforcement Section sa Bureau of Fire Protection kon BFP– Bukidnon.
Gipasabot ni Rubillos nga mas mikunhod ang ihap sa insidente sa sunog, gumikan sa nagpadayon nga fire safety inspections sa mga establisyemento sa lalawigan.
Lakip usab sa ilang inisyatibo ang pagpahigayon og mga lecture, seminar, ug training alang sa mga volunteers ug miyembro sa Sustaining Interventions for Poverty Alleviation in Governance kon SIPAG, kauban ang koordinasyon sa ubang ahensya.
Gilauman sa BFP nga pinaagi sa padayon nga edukar, kooperasyon sa komunidad, ug inter-agency coordination, mas mapakunhod pa ang posibilidad sa sunog ug mapalig-on ang kahibalo sa publiko kabahin sa kahimsog ug kaluwasan sa palibot.