Gibalibaran sa Office of the Secretary General sa House of Representatives ang pagdawat sa ikaduhang impeachment complaint batok kang Presidente Ferdinand “Bongbong” Marcos Jr..
Nitambong sa Kamara ang mga miyembro sa Makabayan Bloc, kauban ang Mayday Movement ug uban pang grupo, aron isumite ang ilang reklamo batok sa Presidente, apan wala kini dawata gumikan wala didto si Secretary General Chelly Garafil nga modawat sa dokumento.
Sumala sa grupo nga supak sa House Rules ang maong aksyon, gumikan sa opisina man unta isumite ang impeachment complaint ug dili kinahanglan nga personal nga dawaton sa usa ka opisyal.
Para kanila, mabutang ka kini nga napasaka na ang reklamo bisan wala pormal nga gidawat, gumikan nagbilin sila og kopya sa opisina isip pahibalo sa ilang intensyon.
Ang basehan sa impeachment complaint mao ang alleged nga pagkalambigit sa Presidente sa halapad nga korapsyon sa flood control projects, diin matud sa grupo nga ang Presidente ang responsable ug nakabenepisyo sa anomalya.
Tungod niini, plano sa grupo nga ipaabot ang isyu sa Office of the Speaker, samtang naghulat pa sila kung adunay uban pang impeachment complaints nga ipasaka sa dili pa mobalik sa plenaryo ang Kamara sa Lunes.