Gipahibalo ni Atty. Manuelito Luna usa ka complainant sa impeachment nga posibleng ipasaka ang ika-upat nga impeachment complaint batok kang Presidente Ferdinand Marcos Jr. sa Kamara human gibalibaran ang ilang miaging reklamo, ug giingong andam usab motestigo si kanhi kongresista Elizaldy “Zaldy” Co kon dawaton ang kaso.
Matud ni Luna, importante ug halapad ang posibleng testimonya ni Co bahin sa giingong anomalya sa flood control projects ug uban pang kaso sa korapsyon, nga mahimo isumite pinaagi sa video conferencing nga legal ug madawat sa balaod.
Nagpasabot usab siya nga andam silang mubalik sa Kamara aron ipasaka pag-usab ang reklamo ug gihagit ang liderato sa House of Representatives nga sundon ang hustong proseso ug dawaton ang impeachment complaint.