Gisumite na sa mga eksperto gikan sa International Criminal Court (ICC) ang ilang medical evaluation report kalabot ni kanhi Presidente Rodrigo Duterte.
Gikumpirma ni Attorney Nicholas Kaufman, ang abogado ni Duterte, nga nadawat na nila ang kopya sa maong impormasyon. Apan, giklaro niya nga sa pagkakaron, ang resulta sa medical evaluation nagpabilin pa kining confidential.
Kahinumduman nga nagmugna ang ICC og usa ka panel nga gilangkuban sa tulo ka miyembro aron susi-on ang kondisyon ni Duterte. Kini gihimo human mihangyo ang kampo sa kanhi presidente nga i-postpone ang hearing alang sa confirmation of charges.
Sumala sa taho, nakasinati si Duterte og ‘cognitive impairment’—usa ka depekto nga nakaapekto sa iyang paghinumdom ug sa iyang katakos nga moatubang sa trial.