Nahimong kontrobersiya sa social media ang Guizhou Lu’an Expressway sa China human mag-viral ang mga video sa talagsaong proyekto sa imprastruktura nga nagpadulong sa Huajiang Grand Canyon Bridge diin ang umaabot nga pinakataas nga tulay sa kalibutan nga adunay gitas-on nga 625 metros (2,051 ka tiil) ibabaw sa Beipan River Valley.
Gihimo kini sa lahi nga pamaagi kumpara sa ubang dalan sa lugar.
Imbis nga magtukod og mga tore pinaagi sa pag-drill sa kabukiran o pagtuyok sa palibot niini, gipili sa mga inhenyero sa China nga pikason mismo ang kabukiran aron makahimo og luna alang sa expressway.
Gisaysay sa mga planner nga tungod kay 92% sa probinsya sa Guizhou binuhatan sa mga bukid ug pangpang, limitado ang opsyon sa pagtukod.
Apan gikritika kini sa mga environmentalist nga nagtuo nga adunay mas hapsay nga solusyon nga dili makadaot sa palibot.
Ang proyekto misangpot sa mainit nga debate tali sa mga nalipay ug nakabilib sa imprastruktura ug kahanas sa China, ug sa mga nagtuo nga sobra ang epekto niini sa tibuok kabukiran.