Nakab-ot sa usa ka grocery store chain sa Portugal ang bag-ong Guinness World Record human silang nakahimo og labing taas nga linya sa lasagna nga may kinatibuk-ang 1,215 ka piraso!
Ang LIDL Portugal ang nangulo sa maong record-breaking nga kalihokan niadtong Hulyo 20 sa syudad sa Lisbon isip selebrasyon sa ilang ika-30 anibersaryo.
Ang ilang ready-to-eat nga lasagna usa sa mga pinakasikat nga produkto sa kompanya, ug kini maoy gibida sa makasaysayanong nga kalihokan.
Uban sa tabang sa mga chef ug mga volunteer, ang 1,215 ka piraso lasagna giplastar sa taas nga han-ay sa mga lamesang gitukod duol sa Tejo River.
Human kini gisukod ug ug ihap, opisyal nga gipamatud-an ni Guinness World Records adjudicator Richard Stenning nga nakuha na sa LIDL ang titulo nga “longest line of lasagna”.
Human sa opisyal nga anunsyo, libre nga gipanghatag sa liboan katao ang mga lasagna atol sa kalihokan.
Walay nasayang matud pa sa maong pagkaon gumikan gipang-apod-apod kini sa usa ka food charity sa ilang lokal nga komunidad.