Gipasiugda karon ni Presidente Ferdinand “Bongbong” Marcos Jr. ang pagpatuman sa lifestyle check sa mga opisyales sa gobyerno aron masiguro ang transparency ug integridad sa serbisyo publiko.
Bisan pa man, gikwestyon sa legal expert ug kanhi presidente sa Integrated Bar of the Philippines, nga si Atty. Eddie Cuaresma, ang kadugayon o kalangan niini.
Gipasabot sa Abogado, nga suportado niini ang ideya sa lifestyle check, apan gipunto niini nga delikado kung ang Kongreso ug Senado ang mag-imbestigar sa ilang kaugalingon tungod daghan sa mga miyembro adunay koneksyon o involvement sa mga kontraktor ug proyekto sama sa flood control.
Hingpit nga gikwestyon sa Abogado, ang pagka-langan sa pagpatuman sa lifestyle check ug nagpamugos nga kinahanglan adunay independent body ug walay interest nga ahensya nga magdumala sa imbestigasyon aron epektibo kini.
Gipanawagan usab niini ang mga kabatan-onan sa pagmata ug pagbarog sa labing tinuod nga dili magpa-impluwensya sa desisyon sa mga katigulangan ug sa mga naandan.