Gipasiugda ang kabalaka sa negatibong epekto sa online gambling sa pinansyal nga kahimtang ug pamatasan sa mga Pilipino. Sa pakighinabi sa Bombo Radyo Malaybalay ngadto kang Ray Talimio, Regional Democratic Council X Economic Development Committee. Gipadayag niini nga makadaot kini sa kinaiya ug disiplina sa mga mamumuo ug pamilya, ilabi na sa walay klarong giya sa regulasyon.
Gibutyag niini nga dili mao ang proposed title nga ban dayon, kay wala kini nagpakita sa konteksto sa programa sa kasamtangang administrasyon o sa miagi. Wala sab maklaro sa publiko kung unsa ang target market ug tumong sa online gaming nga gitugotan lamang sa pipila ka grupo ug kompaniya nga adunay lisensya.
Gihangyo ni Talimio ang mga mambabalaod nga tarungon ang balaod mahitungod sa online gambling—klarohon ang angay, bawal, ug insakto nga pamalaod o pakgangon na kini sa walay paglangay—aron malikayan ang kadaot nga nadala niini sa daghang pamilya karon.