Nagprotesta ang mga Fortich Farm Landless Farmers Beneficiaries Association (FFLFBA) gikan sa Barangay San Carlos, Dabong-Dabong, Valencia City atubangan sa buhatan sa Department of Agrarian Reform (DAR) human mag-file ang pamilyang Fortich og petisyon aron i-cancel ang ilang Certificates of Land Ownership Award (CLOA).
Gipadangat sa mga myembro sa FFLFBA ang ilang mulo aron ma-instalar ang ilang CLOA ug dili kini kanselahon nga gikaingong naka apekto sa 149 ka miyembro sa maong grupo.
Matud ni Nilfa Caño, myembro sa Civil Society Organization, gusto matud pa nga ipaabot sa grupo kang DAR Sec. Conrado Estrella III ug Provincial Agrarian Reform Officer II Jammal G. Pangandaman ang pagpa-instalar sa 149 ka CLOA holders sa 57 hectares nga luna sa Fortich Farm sa syudad sa Valencia, ning lalawigan, nga gikaingong wala na-instalar sukad 2016 hangtud ning kasamtangan.
Dugang pa ni Caño, gisubay sa grupo kanidatong Agosto 14, ang installation sa mga CLOA holders, apan pag-abot sa buhatan nadawat sa grupo ang desisyon ni Sec. nga disqualification.
Gikatahong nag-file ang Fortich Farm og petisyon for inclusion and exclusion sa Regional Office alang sa pagkwestyon sa legalidad sa CLOA holder.
Apan, supak ang maong grupo sa gipagawas sa DAR Secretary gumikan wala kini mipabor sa mga mag-uuma sa FFLBA.
Samtang ang maong mga mulo sa maong grupo giahatagan na og pagtagad sa Provincial Agrarian Reform Office ug kasamtangang giistudyohan ang maong isyu subay sa regulasyon ug polisiya sa agrarian reform.