Finance Sec. Ralph Recto miangkon nga gibabagan ni PBBM ang pagpagawas sa P60-B nga pondo ilawom sa 2025 budget

Gikumpirma ni Finance Secretary  Ralph Recto atol sa budget briefing sa Development Budget Coordination Committee (DBCC) sa Kamara nga gisuspinde ang release sa kapin P60 bilyon nga pondo ilawom sa national budget.

Nahitabo kini human gipangutana ni Caloocan Rep. Edgar Erice kung giunsa pagtubag sa gobyerno ang P375 bilyon nga mga proyekto nga gi-programa sa Executive apan gilamoy sa Kongreso ngadto sa unprogrammed fund.

Gipasabot nga ang pagpugong sa pondo gituyo aron malikayan ang dili patas nga paggahin lakip usab aron masiguro nga ang mga proyekto nga igastuhan adunay klarong funding ug prayoridad alang sa publiko.