- Advertisement -
Magpahigayon ug emergency meeting ang European Union pipila ka adlaw sa wala pa ang gitakdang panagtagbo ni US President Donald Trump ug Russian President Vladimir Putin.
Gikabalaka sa mga foreign ministers sa Europa nga hayan dili apil sa maong panagtagbo si Ukrainian President Volodymyr Zelensky.
Gipasiugda sa EU ang kaimportante nga maapil ang Ukraine diin sila ang adunay yawe aron matapos na ang kagubot nga milungtad na ug upat ka tuig.
- Advertisement -
Nasayran nga mahitabo ang panagtagbo ni Trump ug Putin sa Sabado sa Alaska.
Gisaysay usab ni Trump nga human sa iyang panagtagbo kang Putin, diretsong tawagan niya si Zelensky ug ang mga lider sa European Union bahin sa ilang pagnaghisgot.
- Advertisement -