Dul an P800,000.00 ang kantidad sa gituohang shabu ang nasakmit sa gihimong drug buy bust operation sa Kalilangan Municipal Police Station didto sa Purok 2, Barangay Bang bang, Kalilangan, Bukidnon.
Giila ang dinakpan nga si Pong 37 anyos, lalaki ilado nalambigid sa illegal nga druga sa nahisgutang dapit. Nakuha sa operasyon ang gibanabana 117.0 ka gramo sa shabu ug usa ka motorsiklo nga gigamit sa suspek.
Ang dinakpan nakakustodiya na sa Kalilangan Municipal Police Station alang sa dokumentasyon ug hustong disposasyon. Giandam na usab ang mga kasong paglapas sa Article II, Sections 5 ug 11 sa Republic Act 9165, o ang Comprehensive Dangerous Drugs Act of 2002.Ang nakumpiskar nga illegal nga droga gidala na sa Provincial Forensic Unit para sa dugang examinasyon.