Dul-an 40 ka PDL, migradwar sa elementarya ug high school sulod sa Bukidnon PDRC

Malampuson nga gipahigayon sa mga Persons Deprived of Liberty kon PDL ang ilang graduation ceremony  sa Bukidnon Provincial Detention and Rehabilitation Center (PDRC).

Matud ni Nelson Balaba, Warden sa PDRC, nga dunay 13 ka PDL nga migradwar sa elementarya ug 24 ka junior high school level.

Miluwat si Balaba, nga duna nay mga nakagawas sa PRDC ug giiinvite kini alang sa ceremonya.

Gibutyag ni Balaba, nga duna silay 1105 ka PDL diin 58 niini mga babae.

Gisaysay niini, nga 68% sa PDL nalambigit sa kasong illegal nga droga.