Apektado sa pagbaha ang dul-an 20 ka pamilya sa syudad sa Malaybalay sa milabay’ng adlaw.
Sa pakighinabi sa Bombo Radyo Malaybalay kang Arian Johnson Caga-anan, Operations and Warning Division Head sa CDRRMO Malaybalay, gumikan sa pagbundak nakasinati sa pagbaha ang pipila ka mga lugar dinhe sa syudad.
Base sa impormasyon nga nakalap, adunay 14 ka pamilya diin mukabat sa 36 ka indibidwal ang apektado ug gihikling gikan sa Purok 5, Barangay 11.
Samtang sa Avinca Village, Casisang, dunay 4 usab ka pamilya ang naapektuhan sa pagtaas sa lebel sa tubig sa Malaybalay Creek hinuon wala na kini gipanghikling tungod sa paglurang tubig baha niini.
Gikaingong adunay natala nga damyos sama sa mga panimalay nga nasudlan og tubig baha diin nadaot ang mga appliances ingun man usab ang mga naanod nga mga mananap.
Kasamtangang nagmonitor ang mga kawani sa CDRRMO sa dagan sa panahon arun makabantay sa epekto sa mga pagbaha.