Gipahiluna na sa pamilya ang duha ka indibidwal nga nakabsan sa kinabuhi human nalambigit sa natigayong aksidente sa kadalanan alas 8:25 sa gabie, sa Purok 5, Barangay Cayaga, San Fernando, Bukidnon.
Base sa impormasyon nga nakalap sa Bombo Radyo Malaybalay, nalambigit ang tulo ka sakyanan sa maong insidente.
Lakip sa insidente ang usa ka kolor itom nga motorsiklong walay plaka, nga gimanehoan ni alyas “Kian”, hingkod ang pangedaron, minyo, usa ka laborer, ug dunay angkas nga babae, hingkod ang pangedaron, byuda, ug puros residente sa P5, Barangay Matupe, sa nahisgutang lugar.
Batok sa ford ranger nga dunay plaka nga NDD 3174 nga gimaneoan ni alyas “Jun”, 60 anyos, minyo, retired seaman, ug residente sa Gusa, syudad sa Cagayan de Oro.
Nadamay usab ang usa ka trak nga dunay plaka sa KAO 2376 nga igo lang mi-parking sa lugar sa insidente.
Base sa mga nakasaksi, nga ang motorsiklo ug ang ford ranger nag-byahe sa manag-lahing direksyon, sa dihang pag-abot sa lugar sa insidente, gikataho nga ang ford ranger misulod sa pikas linya, hinungdan nga mibangga kini sa nakatagbong motorsiklo, ug mituyok kini hinungdan mibangga sa usa ka trak nga nakaparking kilid sa dalan.
Daling gidala sa balay tambalanan ang drayber sa motorsiklo ug angkas niini apan gideklarang dead-on-arrival.
Samtang bulontaryong mitahan sa kapulisan ang drayber sa ford ranger ug giimbestigaran alang sa tukmang disposasyon.