Patay ang duha ka lalaki human makuryente samtang nagpahigayon og treasure hunting sa Purok 3, Brgy. Marapange, Kibawe, Bukidnon.
Sumala sa imbestigasyon sa Kibawe Municipal Police Station, nagkalot og yuta ang mga biktima gamit ang usa ka makinarya, apan kalit kini nga nagka-aberya. Gituohang nag-grounded ang maong makina sa kable nga konektado sa ilang ginamit nga elevator hinungdan nga nakuryentehan ang duha.
Gidala pa sa Bukidnon Provincial Hospital sa lungsod sa Kibawe ang mga biktima apan pag-abot sa balay tambalanan, gideklara na kining dead on arrival tungod sa grabeng kadaot nga ilang naangkon sa kalawasan.
Ang mga namatay mao ang 45-anyos nga residente sa Purok 2, Migcawayan, Damulog, ug 47-anyos nga residente sa Purok 3, Marapange, Kibawe. Bukidnon. Nahitabo ang insidente niadtong Agosto 27, alas 11:30 sa buntag.