VALENCIA CITY -Angol ang duha ka mga drug suspects human nga nakigpinusilay sa mga kapulisan atol sa paglusad sa usa ka buybust operation sa Purok 5, barangay Lourdes, Valencia City Bukidnon.Pinangulohan ni PLTCOL BRYAN M PANGANIBAN, Chief of Police, kauban ang Regional Police Drug enforment Unit 10 ug BUKidnon Police Intellegence Unit ang maong operasyon.
Namatikdan sa primary suspect nga si alyas “Ikoy” nga nakig-atobang kini sa usa ka police poseur buyer hinungdan nga nibunot og armas dayong pusil sa opisyal apan wala niini maigo ang police.Sa maong hitabo ang laing mga suspetsadong nga sila alyas “Rando” ug “Rickie,” kinsa naa sa sulod sa duol nga payag, nakigpinusilay usab sa arresting team sa dayag nga pagsulay sa pag-ikyas ug pagsukol sa pagdakop, rason sa pagbalos sa operating unit.Miresulta sa pagkasikop sa duha ka mga suspek nga sila si alyas “Rando” 38 anyos, nakaangkon og samad pinusilan sa iyang wala nga tiil, samtang si alyas “Rickie” 34 anyos nakaangkon og samad sa agtang, samtang si alyas “Ikoy” nakaikyas.
Nasakmit sa operasyon ang 15.2 gramos nga shabu, nga adunay standard nga presyo Php 103,360.00. lakip narekober angnagkalain-laing mga armas ug mga bala, sama sa usa ka unit nga improvised 12-gauge shotgun; tulo ka piraso sa 12-gauge shot shells; usa ka 12-gauge steel magazine; usa ka yunit nga improvised 9mm UZI; upat ka 9mm cartridges; tulo ka basiyo sa bala sa 9mm calibre ug usa sa 9mm steel magazine.Kasong paglapas sa Article II, section 5 & 11 sa R.A. 9165 ug RA 10591 ang giandam nang ipasaka sa buhatan sa Provincial Prosecutor batok sa mga dinakpan kung asa nagtingkagol na sa Valencia City Police Station.
Sa karon, padayon ang koordinasyon kapolisan sa mga kasikbit nga yunit ug mga intelligence networks aron mapadali ang pagdakop sa nakaikyas nga suseptsado kinsa pabiling gawasnon.