Gibisita ni DPWH Sec. Vince Dizon ang dapit sa Overview, Sitio Kipolot, Brgy. Palacapao, Quezon, Bukidnon nga naapektohan sa landslide aron personal nga inspeksyunon ang sitwasyon ug maghimo og assessment sa kahimtang sa dalan.
Sa eksklusibong pakighinabi sa Bombo Radyo Malaybalay kay Forts Cabarde, Public Information Officer sa Quezon, Bukidnon nga tumong sa pagbisita ni Sec. Dizon. Matud niini nga mao ang pagkuha og assessment gikan sa Mines and Geosciences Bureau (MGB) aron mapahigayon ang soil analysis ug masuta ang stability sa yuta sa maong lugar.
Kini usa ka lakang aron mapangandaman ang posible pang mga kalamidad ug aron makapreparar sa mga solusyon sa rehabilitasyon.
Dugang pa ni Cabarde kasamtangang aduna nay alternatibong ruta nga mahimong agian sa mga motorista samtang gihimo pa ang pag-ayo sa dalan.
Gisuspende sa Incident Command System kon(ICS) ang search and retrieval operations alang sa magtiayon nga nalakip sa landslide ang operasyon gikansela temporaryo tungod sa kahimtang sa panahon.
Matud niini, nagpadayon ang pag-ulan, kusog ang agas sa tubig ug adunay mga parte sa yuta nga padayon nga nadahili nga naghatag ug dakong peligro sa mga rescuers. Bisan pa man gi-deploy na ang duha ka K9 units sa lugar.
Adunay usa ka posibleng area nga gitutukan karon human gi balik-balikon kini sa mga iro nga adunay baho ug alisngaw hinungdan nga posibleng didto nahimutang ang mga na missing.
Gilauman usab nga karong adlawa magsugod na ang paggamit sa backhoe human namugna ang temporary access road padulong sa ubos nga bahin sa landslide site ug nahuman na usab ang 72 ka oras nga gipaabot aron magamit ang maong ekipo sa lugar.1