Gikumpirma ni DPWH Secretary Vince Dizon nga kinahanglan usbon ug ayuhon ang sistema sa ahensya, kasunod sa alegasyon nga sayo nga grid coordinates ang gisumite sa Malacañang para sa mga flood control projects.
Sumala ni Dizon, dili dapat masayup ang IT system gumikan kini ang basihan aron malikayan ang pagmanipula sa datos.
Gisiguro niya nga kasamtangang gi-ayo ang sistema aron malikayan ang susamang problema sa umaabot.
Niadtong Oktubre sa miaging tuig, gitaho sa DPWH nga 421 sa kapin 8,000 flood control projects ang allegedly wala gyud natuman.
Gisusi pa sa mga awtoridad kung kini ba tinuyuan o resulta lang sa pagkasipyat.
Gipahibalo ni Dizon nga katunga sa mga proyekto nga nasusi ang na-validate na.
Gisiguro usab niya nga padayon ang pagsusi ug accountability measures aron mapanubag ang angay manubag ug malikayan ang susamang insidente.
Wala pa siya nakaistorya ni kanhi DPWH Secretary Manuel Bonoan, apan musogot siya sa posibilidad nga makigkomunikar.
Sa laing bahin, nagpadayon ang internal cleansing sa ahensya, diin gilauman nga daghan ang mapulihan o matangtang hangtod sa district level.
Samtang gi-awhag usab ni DPWH Usec. Lara Esquibil ang kabatan-onan nga mopaluyo sa reporma ug molihok batok sa korapsyon, ug nga ang bagong henerasyon mao ang magdala sa pag-uswag sa sistema ug imprastraktura sa Pilipinas