Padayon ang pagpakahilum sa Department of Public Works and highways kon DPWH sa gipahigayon nga mag imbestigasyon mahitungod sa anomalya flood control projects sa tibuok nasud.
Pinaagi sa Bombo Radyo Malaybalay-Investigative section, hangud ning panahona ang DPWH-Bukidnon walay giluwatan nga pamahayag mahitungod sa anomaliya sulod sa maong buhatan.
Gikatahong, adunay mga pipila ka mga proyekto ubos sa flood control projects ang wala mahuman subay sa mga gisugyot nga panahon sa syudad sa Malaybalay, Valencia ug uban pang munisipyo sa lalawigan.
Lakip sa mga proyekto nga wala matapos sa tukmang panahon ang anaa sa Barangay Laguitas ning syudad sa Malaybalay diin mibalor ug P141 milyones pesos.
Kahinumdoman, nga gibutyag ni Rosana Linhay, Kapitan sa Barangay Laguitas, nga ang Construction of Flood Mitigation Structure sa Barangay Laguitas, nga base sa sumbongan ng pangulo website target nga mahuman kini niadtong Marso 25 ning tuiga sa JT Gamolo Construction, Inc. apan ning kasamtangan wala gihapon matapos.
Gikatahong adunay kinatibuk-ang 110 ka flood control projects sa lalawigan sa Bukidnon.