- Advertisement -
Gidawat sa Department of Labor and Employment (DOLE) ang gipagawas nga Labor Force Survey sa Philippine Statistics Authority (PSA) niadtong Disyembre 2025.
Sumala sa ahensya, padayon ang ilang mga programa aron mas daghan pang mga Pilipino ang makakuha og trabaho.
Dugang pa, wala mahunong ang ilang pakig-alayon sa mga local government units ug sa pribadong sektor aron magpahigayon og dagkong job fairs sa nagkalain-laing lugar.
- Advertisement -
Base sa Labor Force Survey sa PSA, niadtong Disyembre 2025 adunay 95.6 porsiyento o katugbang sa 49.43 milyones ka indibidwal ang adunay trabaho.
Mas ubos kini tandi niadtong Disyembre 2024 nga adunay 96.9 porsiyento o 50.19 milyones ka empleyado.
- Advertisement -