Ang disiplina sa pagtuon ug husto nga preparasyon maoy yawe sa kalampusan.Matud pa ni Florence Virtudazo Colas, Top 9 sa bag-ohay lang nga resulta sa Nurses Licensure Examination nga pinaagi sa regular nga schedule pag focus sa mga lessons masabtan pag-ayo ang tanang subject.
Gamit usab niini ang learning style nga angay sa kapasidad sa pagkat-on para mas dali niini makuha ang impormasyon.
Saysay pa ni Colas nga aron malikayan ang mga sagabal iyang gilimitahan ang paggamit sa social media ug giuna ang pagtuon.
Padayon sab ang iyang pagpaningkamot ug pangandoy nga makapasar sa exam.Bisan wala niini damha nga masulod sa topnotchers gihatagan niini og panahon ang preparasyon hangtod nakab-ot ang maayong resulta.
Si Colas nagrepresentar sa mga bag-ong lisensyadong nurse nga andam mosuporta sa panginahanglan sa sektor sa panglawas sa nasud.