Gipalapdan sa Diyoses sa Malaybalay ang tingog sa simbahan pinaagi sa paglusad sa usa ka prayer protest rally ning adlawng Domingo, Nobyembre 30, 2025, sa Plaza Rizal, Malaybalay City.
Matud ni Archbishop Noel P. Pedregosa sa Diocese of Malaybalay, ang kalihukan usa ka panawagan sa Catholic Bishops Conference of the Philippines kon CBCP aron makigtambayayong sa Church Leaders Council for National Transformation sa ilang paningkamot nga mapalig-on ang tinuod nga demokrasya ug mapapanubag ang anomalya sa paggamit sa pondo sa katawhan.
Nagsugod ang programa pinaagi sa misa sa San Isidro Cathedral sa udto, ug gipadayon sa Plaza Rizal.
Matud ni Cosme Emben Jr., miyembro sa Saint Peter and Paul Parish sa Dalirig, Manolo Fortich, ng gipangusgan ang kalihokan isip panawagan nga mapasakaan og tukmang silot ang tanang nalambigit sa gituohang dakong pagkawagtang sa pondo sa nasud ug nga mabalik ang hustisya, transparensiya, ug alang sa sympatiya sa mga biktima sa pagbaha tungod sa substandard nga proyekto sa gobyerno.
Nagsul-ob og puti ang mga partisipante isip timaan sa kalinaw, kagawasan, ug pagtin-aw sa pamalaod.
Nagdala ang mga nagsalmot sa prayer rally og puti nga panapton ug streamers nga nagpakita sa ilang mga panawagan batok sa korapsyon, sa pagpatuman sa open governance, ug sa pagbarug alang sa mas responsableng pamalaod.
Ang uban usab sa komunidad mipakita sa ilang pakigduyog pinaagi sa pagbitay og puti nga ribbon ug flaglets sa ilang panimalay ug establisyemento.