Daghang lugar sa US nagdeklara og state of emergency tungod sa ‘Monster Storm’

Gipangandaman na sa Estados Unidos ang gilaumang pagpanalasa sa gitawag nga “Monster Storm” nga magdala og baga ug halapad nga yelo.

Ang maong bagyo gilauman nga makaapekto sa dakong bahin sa Amerika, gikan sa Texas lakip sa New England.

Gibana-banaang moabot sa 16 ka pulgada ang kabaga niini nga mokatap sa gitas-on nga kapin 2,000 milya.

Tungod niini, daghang mga biyahe sa eroplano ang gikansela na sa nagkalain-laing bahin sa US.