Gitan-aw na karon sa Department of Agriculture (DA) ang dako nga diperensya tali sa farmgate price ug sa presyo sa baboy sa merkado, human masuta nga ang kasamtangang presyo niini sa mga pamilihan miabot na sa ₱380 hangtod ₱420 matag kilo.
Sa kasamtangan, ang farmgate price sa baboy nagpabiling ₱240 hangtod ₱250 matag kilo, apan sa pag-abot sa mga merkado, dako ang pagsaka sa presyo nga maoy dakong pangutana karon sa mga konsumidor ug ahensiya sa gobyerno.
Matud sa DA, ilang gisusi ang posibleng middlemen o traders nga posibleng hinungdan sa pagtaas sa presyo.
Gitutukan usab nila ang supply chain ug ang agianan sa produkto gikan sa mga mag-uuma paingon sa mga tindahan aron masuta kung diin nagagikan ang kalit nga pagtaas ug bantayan ang dagan sa maong isyu.
Nagpasalig ang DA nga adayon ang pag-imbestiga niini, aron makabsan ang agwat sa presyo ug maprotektahan ang mga konsumidor batok sa sobra nga pagpahimulos sa merkado.