Duha ka mga testigo sa Senate Blue Ribbon Committee hearing kagahapong adlawa, Lunes, Enero 19, ang nagtudlo sa kontraktor nga si Curlee Discaya nga maoy ilang nakaistorya ug nagbutyag nga si kanhi House Speaker Martin Romualdez na ang bag-ong tag-iya sa balay nga ilang gipuy-an sa No. 30 Tamarind Street, South Forbes Park, Makati City.
Gipanghimakak ni Discaya ang mga pasangil ug miingon nga wala siyay koneksyon o transaksyon kang Romualdez, ug kausa ra niya kini nakita sa usa ka public event. Andam usab siyang i-turn over ang property isip “restitution” kung kinahanglan, bisan pa man giisip niya ang alegasyon nga walay basehan.
Sa pikas bahin, giingon sa kampo ni Romualdez pinaagi sa iyang abogado nga si Ade Fajardo nga “outright baseless” ang mga pasangil, ug wala kamatuoran nga gigamit ang mga Discaya isip front sa pagpalit sa maong kabtangan.