Nalakip sa prestihiyosong Guinness World Records 2026 ang contortionist nga si Eddie John Browne, o mas nailhan sa tawag nga “Eddie Flexible,” human niini gipakita ang talagsaon nga pagpiko sa iyang lawas.
Ang maong self-taught performer nakarekord og duha ka bag-ong world records. Una niini mao ang ‘most full body revolutions maintaining a chest stand position’ diin nakahimo kini og 38 ka tuyok sulod sa usa ka minute.
Ikaduha niyang nakuha ang record alang sa ‘most consecutive full body revolutions with a backbend handstand human kini nakarekord og 21 ka sunod sunod nga tuyok samtang naka-handstand.
Si Browne nagsugod sa pag-eksperimento sa iyang abilidad sa edad nga pito pa lang ka tuig didto sa iyang kwarto sa Sierra Leone.
Tungod sa iyang dedikasyon, usa na kini karon sa mga inilang performer sa Cirque du Soleil nga nagpahigayon og tour sa tibuok North America.