MALAYBALAY CITY – Nagpadayon ang hatud serbisyo sa City Veterinary Office sa syudad sa Malaybalay pinaagi sa pagkapon ug pagligate sa mga iro ug iring sa 46 ka barangay sa dakbayan.
Sa eksklusibong pakighinabi sa Bombo Radyo Malaybalay kay Dr. Ferdinand Arambala, City Veterinarian sa Animal Welfare and Contagious Disease Division, nga ilang tuyo nga libuton ang tanang barangay aron matabangan ang mga tag-iya sa mga binuhi ug malimitahan ang pagdaghan sa populasyon sa mga iro ug iring.
Saysay pa ni Dr. Arambala, pinaagi sa maong programa matabangan usab ang mga pet owners nga malikayan ang pagsuroy suroy sa ilang mga binuhi nga mahimong hinungdan sa kagubot o kalat sa mga komunidad.
Dugang pa ni Dr. Arambala nga padayon nga mosuporta ang publiko sa ilang mga programa alang sa responsableng pag-atiman sa mga binuhing kahayupan.