Nagpasidaan ang China sa Pilipinas human sa balita nga mibisita si Taiwanese Foreign Minister Lin Chia-lung isip bahin sa usa ka business delegation.
Matud pa ni Guo Jiakun, spokesperson sa Chinese foreign ministry, nga nakalapas ang Pilipinas sa One China policy ug nagpasidaan og grabe nga konsekwensya tungod sa paghatag og plataporma sa mga separatista nga nagtinguha og kagawasan sa Taiwan.
Sa usa ka press briefing niadtong Biyernes, miluwat si Guo nga nakalapas ang Pilipinas sa pulang linya sa China sa pagtugot sa pagbisita ni Lin, nga sugyot niya nakadaut sa internasyonal nga mga balaod ug sa 1975 nga diplomatikong kasabutan sa duha ka nasod.
Gidasig niya ang nasud nga dili maghatag og sayop nga mensahe ug respetuhon ang ilang saad sa prinsipyo sa One China.
Gipanghimakak sa Department of Foreign Affairs (DFA) sa Pilipinas nga adunay opisyal nga gitugotan sa bisan unsang Taiwanese official sa maong pagbisita ug gisubli ang pagbarug sa nasod sa One China policy ug sa 1975 communique.
Nakaapil usab sa maong kasabutan ang pagrespeto sa soberanya ug territorial integrity sa matag nasud.
Nagpadayon ang pagsaka sa tensyon tali sa duha ka nasod tungod sa maritime dispute sa South China Sea, labi na kay gisalikway sa Beijing ang 2016 arbitral ruling nga nagwagtang sa dagkong pag-angkon niini, apil na ang bahin sa exclusive economic zone sa Pilipinas.
Ang labing bag-ong panagbangi nagsunod sa unang pagsupak sa China kaniadtong Enero 2024, diin gikritiko nila si Presidente Ferdinand Marcos Jr. tungod sa iyang pag-congratulate sa Taiwan human sa eleksyon, nga giingon sa China nga seryoso nga paglapas sa mga pulitikal nga kasabutan.
Gipahimangnoan sa mga opisyal sa Pilipinas ang Beijing bahin sa ilang obligasyon ubos sa 1975 kasabutan nga sulbaron ang mga panagbangi sa malinawon nga paagi ug walay pwersa o pagpanghadlok.