Naghatag og kinatibuk-ang P10 milyon ang beauty queen ug negosyante nga si Celeste Cortesi alang sa mga biktima sa mga linog nga miigo sa Cebu ug Davao Oriental.
Sumala sa ulat, unang namahagi og P5 milyon si Celeste uban sa iyang partner nga si Jonathan Sterling alang sa mga biktima sa magnitude 6.9 nga linog sa Cebu niadtong Setyembre 30, pinaagi sa ilang Asul Hope Foundation, kauban ang Angat Buhay Foundation.
Kasunod niini, mihatag na usab sila og laing P5 milyon nga donasyon alang sa mga naapektuhan sa sunod-sunod nga linog sa Davao Oriental niadtong Oktubre 10, sa pakigtambayayong sa Philippine Red Cross kon (PRC).
Nagpasalamat usab ang PRC kang Celeste ug Sterling sa ilang dako nga kontribusyon sa mga rescue ug relief operations nga gipahigayon sa Davao.