Nagpagula ang National Disaster Risk Reduction and Management Council (NDRRMC) og red alert sa tibuok nasud tungod sa hulga nga dala ni Bagyong Crising nga gipaabot nga mosulod sa Philippine Area of Responsibility karong umaabot nga mga adlaw.
Sa pakighinabi sa Bombo Radyo Malaybalay kang Arian Johnson Caga-anan, Operations and Warning Head sa Malaybalay CDRRMO, gisaysay niya nga posible usab makasinati og kusog-kusog nga pag-ulan ang dakbayan sa Malaybalay dala sa maong bagyo.
Mipahimangno si Caga-anan sa katawhan nga mag-andam sa mga posible nga epekto sa bagyo sama sa pagbaha ug landslide, labi na sa mga lugar nga hilabihan sa dali mabahaan na lugar.
Gibutyag niini nga naka-andam na ang mga evacuation center sa lungsod kon magkinahanglan og preemptive evacuation. Gipahimangnohan sa CDRRMO ang katawhan nga magpabiling alerto, mag-monitor sa balita, ug musunod sa mando sa mga otoridad aron malikayan ang kadaut nga posibleng dala sa Bagyong Crising