Gidani sa Catholic Bishops’ Conference of the Philippines kon (CBCP) ang tanang magtutuo nga magsul-ob og puti matag adlawng Domingo isip timaan sa paghinulsol, pag-ampo, ug pagkighiusa alang sa kaluwasan sa nasud.
Sa pastoral letter nga gipagula ni CBCP President Cardinal Pablo Virgilio David, gipasabot niini nga ang maong inisyatibo kabahin sa National Call to Prayer and Public Repentance nga molungtad hangtod sa Kapiyestahan ni Cristo Rey karong bulan sa Nobyembre.
Ang pagsul-ob og puti nagpasabot sa kaputli sa kasingkasing ug hunahuna, ingon nga pahinumdom sa tanang Katoliko nga ang tinuod nga kalinaw ug kaluwasan magsugod sa espirituhanong pagbag-o.
Gidasig usab sa CBCP ang mga parokya sa tibuok nasud nga magpahigayon og rosary rallies, penitential processions, ug communal prayers aron palig-onon pa ang paghiusa sa mga magtutuo.
Sumala sa usa ka pamahayag, gipunting niini nga pinaagi sa kinasingkasing nga pag-ampo ug paghinulsol, maluwas ang Pilipinas gikan sa mga kalamidad, katalagman, ug immoral nga kagubot nga ngiatubang sa nasud karon.