Makigtambayayong ang kapulisan sa Bureau of Internal Revenue ug Bureau of Customs alang sa hingpit nga pagpapakusog sa pagbawal sa pagbaligya og mga smuggled cigarrettes sa pampublikong merkado ug mga tindahan sanglit usa kini ka klase sa pagsabotahe sa ekonomiya sa tibuok probinsya.
Gani, gimanaduan ang tanang pulis nga kinahanglan masapon gayud ang mga dagko nga personaheng nagpaluyo sa maong kalihukan, pinaagi sa pagpahigayon og massive information campaign aron ipakaylap ang kamahinungdanon sa maong lakang.
Dugang pa ni PMaj. Babaan, usa kini sa mga tinguha sa maong ahensya nga mapatuman ang maong programa human daghan ang nakalusot bisan pa hingpit ang pahimangno sa otoridad sa pagbaklas niini nga klase sa negosyo.
Gipahayag niini nga padayon gihapon ang pagpahinumdum sa katawhan labi na sa mga mamaligyaay nga hingpit nga ipatuman ang pagbawal sa pagbaligya og smuggled cigarretes.