Mipahigayon ang Bukidnon Explosive Ordnance Disposal kon EOD Team sa ABAKADA kon Avoid, Barricade, Call, and Data campaign alang sa nagkalain-laing sektor sa lalawigan, lakip na ang mga tulonghaan, establisyemento, ahensya sa gobyerno, barangay, ug uban pang komunidad sa Bukidnon.
Sa pakighinabi sa Bombo Radyo Malaybalay kang PSMS Richard A. Memeje, technician/investigator sa Bukidnon EOD Unit, nagpasabot nga ang ABAKADA usa ka edukatibo ug preventive security program nga naglatid sa mga lakang nga angay buhaton kung adunay makita nga kadudahang butang.
Kini gitinguha aron mapalapdan ang kahibalo sa publiko sa hustong paagi sa pagresponde sa emerhensiya kabahin sa mga explosive devices hilabi na karon nga nagkadool ang panahon sa kapaskohan ug daghang kalihukan ang pagahimoon sa lalawigan.
Nanawagan usab ang mga otoridad, sa katawhan sa pagreport gilayonn sa bisan unsang kadudahang butang aron masiguro ang kaluwasan sa tanan.