Aduna nay 42 ka kaso sa leprosy sa probinsya sa Bukidnon nga kasamtangang giilalum na sa pagpanambal.Sa eksklusibong pakighinabi sa Bombo Radyo Malaybalay atol sa programang Zona Libre kay Joseph Marben Gealon Program Coordinator nga ang mgapasyente human ng nabisitahan sa Provincial Health Office,lakip na usab ang ilang mga posible nga close contacts aron mamonitor ug masiguro nga dili na kini makatakod pa sa ubang tawo.
Saysay pa ni Gealon nga ang leprosy usa ka sakit sa panit nga kasagarang makita sa puti nga patches sa lawas. Diin kini mao ang kasagarang unang timailhan sa maong sakit. Dugang usab niini nga kon madakdan ang isa ka tao adunay 5 to 12 ka tuig nga incubation periodKung aduna man ganiy sintomas nga makita sa ilang mga lawas, hatagan dayon kini og tambal aron malikayan ang pagkuyanap.Ang sakit sa leprosy mahimong matakod pinaagi sa droplet transmission sama sa pag ubo o pag-hatsing sa usa ka positibo nga pasyente.
Bisan pa man sa stigma nga naglibot sa leprosy, possible matud pa kining matambalan basta sayo lang nga matagad ug matagaan sa tukmang medisina. Gihangyo usab niini ang publiko nga dili kahadlokan ang mga pasyente nga adunay sakit kay dili dali kini mutakod kung adunay sakto nga kahibalo ug pag-atiman.Gi-awhag karon sa Provincial Health Office ang mga katawhan sa Bukidnon nga magpahimangno sa ilang kahimsog ug motunol dayon og tabang sa mga awtoridad kon adunay mga sintomas aron malikayan ang pagkaylap sa sakit.