Beteranang aktres nga si Lovi Poe, gibutyag nga mabdos na!

Gipadayag na sa publiko sa beteranang aktres nga si Lovi Poe ang iyang pagmabdos sa ilang unang anak sa bana niining British film producer nga si Monty Blencowe.

Kaniadtong Mayo, migula ang balita nga pito ka buwan na ang gisabak sa aktres sa maong panahona.

Bisan mabdos, padayon gihapon si Lovi sa iyang mga trabaho.

Gikaingon nga nag-shooting pa kini sa iyang pelikula nga gi-produce sa iyang kaugalingong film production company.

Sa usa ka post sa fashion mogul nga si Ben Chan, kauban ang usa ka brand, makita si Lovi nga nagpakita sa iyang dakong tiyan uban ang caption.

Matud pa dugay-dugay na usab nga nagpuyo sa Los Angeles si Lovi samtang nagpadayon sa iyang trabaho ug pagpangandam sa pag-abot sa ilang anak.