Gibutyag sa aktor nga si Barron Geisler ang iyang kaugalingong kasinatian batok sa usa ka giingong corrupt nga contractor sa Cebu, nga konektado matud pa kini sa usa ka iladong politiko.
Sa usa ka Facebook post ni Geisler, nga wala gitapos sa maong contractor ang ilang proyekto sulod na sa kapin duha ka tuig, bisan pa nga nabayran na nila kini sa tibuok kantidad.
Matud ni Giesler, adunay contractor nga nangilad kanila sa Cebu.
Konektado matud pa kini sa usa ka dako nga politiko.
Gipadad-an nila kini og demand letter sa makatulo o kapin pa, human niini giblock ang aktor sa Facebook.
Gipasalig na lamang ni Geisler sa Ginoo ang maong panghitabo.
Dugang pa niini, posible nga gigamit sa kampanya ang kwarta nga ilang gibayad, apan napildi gihapon ang maong politiko.
Wala gihinganlan ni Geisler ang contractor o ang politiko, apan may mga ngalan siyang gibiyaan sa comments section sa iyang post nga posible adunay kalambigitan sa iyang reklamo.
Ang pahayag sa aktor nigawas samtang nagpadayon ang balita kabahin sa pag-subpoena sa mga contractor nga wala mitambong sa imbestigasyon sa Senado may kalabot sa mga anomalya sa flood control fund, matud ni Senate President Chiz Escudero.