- Advertisement -
Mipahigayon og buy-bust operation ang kapulisan sa Kalilangan nga miresulta sa pagkasikop sa giilang alyas Idon, 31-anyos, sa Purok 1A, Bang-bang, Kalilangan, Bukidnon.
Nasakmit atol sa operasyon ang 167.8 gramos nga gituhuang shabu nga gibana-banaang mibalor og P1.1-M.
Gaatubang ang suspetsado og kasong paglapas sa Comprehensive Dangerous Drugs Act of 2002.
- Advertisement -
Samtang, mipahayag og pasalamat ang kapulisan sa Bukidnon sa suporta sa katawhan ug dako matud pa ang pagdasig niini nga ipadayon ang operasyon batok sa tanang matang sa ilegal nga droga.
Ang Kalilangan PNP, uban sa tanang law enforcement agencies, padayon matd pa nga magbantay ug mulihok aron masiguro nga ang komunidad mamahimong luwas ug hapsay.
- Advertisement -