Usa ka 24-anyos nga babaye gikan sa Nakhon Phanom, Thailand, ang nahimong viral online human niya gipaambit ang iyang talagsaon nga relasyon sa managsuon nga kaluha.
Giila ang babaye nga si Fah, kinsa mapasigarbohong mipahibalo pinaagi sa TikTok nga duna siyay “duha ka bana” sa usa ka higayon. Sumala sa taho, unom ka bulan na ang relasyon ni Fah ngadto sa kaluha nga silang Sing ug Suea, kinsa parehong mga trabahante sa agrikultura.
Gibutyag ni Fah nga malinawon ang ilang pagpuyo ug walay selos nga nahitabo tali sa managsuon. Gani, ang tulo nag-uban sa usa ka higdaanan ug ang duha ka lalaki mao ang mohatag sa ilang kinitaan ngadto kang Fah aron maoy modumala sa ilang panalapi.
Bisan pa sa managlahing reaksyon ug pagsaway gikan sa mga netizens, gitataw ni Fah nga suportado sa ilang tagsa-tagsa ka pamilya ang maong relasyon. Dugang pa niya, kon ugaling mabuntis siya sa umaabot, andam siyang mopaubos sa DNA test aron mahibaloan kon kinsa ang amahan, apan tawgon gihapon sa bata ang duha ka lalaki nga “papa.”