Balhog sa prisohan ang usa ka 40-anyos nga babaye sa siyudad sa Fukuoka, Japan tungod lamang sa pagpislit sa pan.
Sumala sa taho sa lokal nga otoridad, ang babaye misulod sa usa ka tindahan ug gikuha ang usa ka pack sa pan nga adunay black sesame ug cream cheese nga palaman, og gipislit ang pan gamit ang iyang kumagko hinungdan nga nadaot ang putos ug dili na kini mabaligya.
Ang tag-iya sa tindahan nakasaksi sa hitabo ug dayong misaway sa babaye tungod sa gihimo niini.
Ang maong tag-iya sa tindahan mibungat nga bayaran ang nadaot nga pan, apan misibat ang babaye.
Mitaho ang tag-iya sa otoridad nga dakpon ang maong babaye, wala kini damha nga tungod lamang sa pagpislit sa usa ka pan mabutang siya sa bilanguan.
Usa kini sa talagsaong panghitabo sumala sa mga eksperto, og kini nga kaso gitawag nga “food vandalism”.