Atty. Roque gibatikos ang ICC sa pagka bilanggo kang kanhi Pres. Duterte bisan kulang pa ang ebidensya

Gibatikos ni Atty. Harry Roque ang International Criminal Court (ICC) human ang napulo ka bulan nga pagkapriso ni kanhi Presidente Rodrigo Duterte, dungan sa pag-ingon nga karon pa lang nangita og ebidensya ang korte batok sa kanhi pangulo.

Gibutyag ni Roque nga dili makatarungan ang pagkapriso kang Duterte samtang kulang pa ang ebidensya ug gisupak usab niya ang pagdumili sa interim release sa kanhi pangulo.

Matod niya, ang hustisya kinahanglan una magbase sa lig-on ug igo nga pruweba sa wala pa magpatuman og pagdakop.

Nanawagan usab si Roque sa international community nga susihon pag-usab ang kredibilidad sa ICC, nga iyang giingong mas nag-una pa ang interes sa institusyon kaysa sa hustisya.